༄༅། །གསོ་རིག་རྒྱུད་བཞིའི་བཤད་རྒྱུད་ལས་བསྟན་པའི་ཆུའི་དབྱེ་བ་དང་ཕན་ནུས།

ཆུ་ནི་ཆར་ཆུ་གངས་ཆུ་ཆུ་ཀླུང་ཆུ། །
ཆུ་མིག་ཁྲོན་པ་བ་ཚ་ཤིང་གི་ཆུ། །
རིམ་པས་དང་བོ་མཆོག་ཡིན་ཕྱི་མ་དམན། །
མཁའ་ལས་འབབ་པ་རོ་མི་གསལ་ལ་ཞིམ། །
འཚོ་ངོམས་བསིལ་ལ་ཡང་བས་བདུད་རྩིར་མཚུངས། །
གངས་ཅན་ལས་བྱུང་ཤུགས་དྲག་བརྡབས་པའི་ཆུ། །
ཤིན་ཏུ་བཟང་བསིལ་མེ་ཡིས་ཐུབ་པར་དཀའ། །
བརྟན་གཡུང་སྲིན་བུ་རྐང་བམ་སྙིང་ནད་སྐྱེད། །
ས་གཙང་ཉི་འོད་རླུང་གིས་ཕོག་པ་བཟང་། །
འདམ་རྫབ་ཉ་ལྕིབས་རྩ་ལོ་ཤིང་གྲིབ་ཕོག །
བ་ཚྭ་སྲོག་ཆགས་ཁུ་བས་ཉེས་ཀུན་སྐྱེད། །
ཆུ་བསིལ་བརྒྱལ་ངལ་ཆང་ནད་མགོ་འཁོར་སྐྱུག །
སྐོམ་དད་ལུས་ཚ་ཁྲག་མཁྲིས་སེལ་བར་བྱེད། །
ཆུ་བསྐོལ་དྲོད་སྐྱེད་ཟས་འཇུ་སྐྱིགས་བུ་སེལ། །
བད་ཀན་ལྟོ་སྦོས་དབུགས་མི་བདེ་བ་དང་། །
ཆམ་པ་རིམས་གསར་འཕྲལ་དུ་ཟློག་པར་བྱེད། །
བསྐོལ་གྲང་བད་ཀན་མི་སྐྱེད་མཁྲིས་པ་སེལ། །
ཞག་གཅིག་ལོན་ནས་དུག་འདྲ་ཉེས་ཀུན་སྐྱེད། །

                                                               «བདུད་རྩི་སྙིང་བོ་ཡན་ལག་བརྒྱད་པ་གསང་བ་མན་ངག་གི་རྒྱུད»ལས་བཤད་པའི་རྒྱུད་ཅེས་བྱ་བ་ནས་ཁོལ་དུ་ཕྱུང་།