དག་ཡིག་མཁས་པ་དགའ་སྐྱེད་ཀྱི་རྩ་བ་དང་འགྲེལ་བ།

བས་འཕུལ་ཡིག་གི་འཇུག་ཡུལ་ལ་བཅུ་ཡོད་དེ། དེ་དག་ནི་ཀ་ག་ཅ་ཏ་ད་ཙ་ཞ་ཟ་ཤ་སའོ། །མས་འཕུལ་ཡིག་གི་འཇུག་ཡུལ་བཅུ་གཅིག་ཡོད་དེ། དེ་རྣམས་ནི་ཁ་ག་ང་ཆ་ཇ་ཉ་ད་ན་ཚ་ཛའོ། །འས་འཕུལ་ཡིག་གི་འཇུག་ཡུལ་ནི་ཁ་ག་ཆ་ཇ་ཐ་ད་ཕ་བ་ཚ་ཛ་དང་བཅུ་ཡོད་དོ། །སྔོན་འཇུག་ལྔ་འཇུག་ཚུལ་ནི། དཔེར་ན། གས་འཕུལ་ནི། གཅོག་བྱེད། གཉེན་པོ། གཏེར་མཛོད། ཆར་གདུགས། གནོན་པ། གཙུག་རྒྱན། གཞུང་ལུགས། གཟི་བརྗིད། གཡུལ་ངོ། གཤིས་ཀ  གསང་བ་ལྟ་བུ་དང་།དས་འཕུལ་ནི། དཔེར་ན། དཀར་ཡོལ། དགེ་ལེགས། དངུལ་ཆུ། དཔང་པོ། དབེན་རི། དམིགས་ཡུལ་ལྟ་བུ་དང་།བས་འཕུལ་ནི། དཔེར་ན། བཀོད་སྒྲིག བགོ་བྱ། བཅུ་ཕྲག བཏགས་པ། བདེ་སྐྱིད། བཙན་གནོན། བཞིན་པ། བཟང་ངན། བཤད་རྒྱུན། བསོད་རྣམས་ལྟ་བུ་དང་།མས་འཕུལ་ནི། དཔེར་ན། མཁའ་དབྱིངས། མགོན་པོ། མངོན་སུམ། མཆོག་ཁྱེད། ཞལ་མཇལ། མཉན་བྱ། མཐོང་བ། མདུད་པ། མནར་གཅོད། མཚན་ཉིད། མཛའ་བརྩེ་ལྟ་བུ།འས་འཕུལ་ཡིག་ནི། དཔེར་ན། འཁོར་ཡུག འགྱུར་བ། འཆི་མེད། འཇིག་རྟེན། འཐད་པ། འདི་ལྟར། འཕགས་པ། འབད་པ། འཚོ་བ། འཛད་མེད་ལྟ་བུའོ། །ལྔ་པ་རྗེས་འཇུག་བཤད་པ།རྗེས་འཇུག་བཅུ་ནི་ག་ང་ད། །ན་བ་མ་འ་ར་ལ་ས། །སྔོན་རྗེས་གཉིས་པོ་ལས་གཞན་པའི། །ཡི་གེ་རྣམས་ནི་མིང་གཞི་འོ། །ཞེས་པས་བསྟན་ལ། མིང་གཞི་གང་ཡང་རུང་བའི་རྗེས་སུ་འཇུག་པས་ན་རྗེས་འཇུག་ཅེས་བརྗོད་པ་ཡིན། རྗེས་སུ་འཇུག་པའི་ཡི་གེ་བཅུ་ནི་ག་ང་ད་ན་བ་མ་འ་ར་ལ་ས་རྣམས་སོ། །གསལ་བྱེད་སུམ་ཅུ་ལས་སྔོན་འཇུག་ལྔ་དང་རྗེས་འཇུག་བཅུ་སྟེ་དེ་གཉིས་པོ་ལས་གཞན་ པའི་མིང་གཞི་ཀ་ཁ་ཅ་ཆ་ཇ་ཉ་ཏ་ཐ་པ་ཕ་ཙ་ཚ་ཛ་ཝ་ཞ་ཟ་ཡ་ཤ་ཧ་ཨ་སྟེ་ཡི་གེ་ཉི་ཤུ་པོ་ རྣམས་ནི་སྔོན་རྗེས་གང་དུའང་མི་འཇུག་པས་ན་མིང་གཞི་རྐྱང་བའོ་ཞེས་བརྗོད་པ་ཡིན་ ནོ། །རྗེས་འཇུག་རྣམས་མིང་གཞིའི་ཡི་གེ་གང་གི་རྗེས་སུ་འཇུག་ཚུལ་ནི། དཔེར་ན། རིག་གནས། བག་ཆགས། ཆུང་ཤོས། བཟང་ངན། ཆུད་ཟོས། འདོད་པ། སྒྲོན་མེ། ཡིན་མིན། སྒྲུབ་པ། གྲུབ་མཐའ། རྩོམ་པ། བུམ་པ། མཁའ་དབྱིངས། འགའ་ཞིག འཁོར་ལོ། མཐར་ཕྱིན། ངལ་བ། གཞལ་བྱ། འབྲས་སུ། ལས་དོན་ལྟ་བུའི་གསལ་བྱེད་དག་གི་རྗེས་སུ་འཇུག་པའོ། །ད་དང་ས་གཉིས་ནི་རྗེས་འཇུག་རང་གི་རྗེས་སུ་སླར་ཡང་འཇུག་པས་ན་ཡང་འཇུག་ཟེར། ད་ནི་རྗེས་འཇུག་ན་ར་ལ་གསུམ་དང་། ས་ནི་ག་ང་བ་མ་དག་གི་རྗེས་སུ་འཇུག་པ་ཡིན་ཏེ། དཔེར་ན། གྱུརད་ཅིག མཁྱེནད་པ། བཀའ་སྩལད་ལྟ་བུ་དང་། ལེགས་སོ། །ལག་པ་བརྐྱངས། གདམས་ངག་སློབ་སྦྱོང་བྱེད་སྐབས། དེ་དག་ཉམས་སུ་ལེན་ལྟ་བུའོ། །གཉིས་པ། རྣམ་དབྱེ་དང་ཚིག་ཕྲད་འདྲེན་ཚུལ་བཤད་པ་ལ།རྣམ་དབྱེ་དྲུག་པ་སོགས་བཤད་པ། རྫོགས་ཚིག་སོགས་བཤད་པ། རྣམ་དབྱེ་བདུན་པ་སོགས་བཤད་པ། ཚིག་ཕྲད་འདྲེན་ཚུལ་བཤད་པ་དང་བཞི་ལས།དང་པོ། རྣམ་དབྱེ་དྲུག་པ་སོགས་བཤད་པ་ནི།ད་ནི་སྔ་མའི་ཚིག་ཤུགས་ཀྱིས། །ཕྱི་མ་ཇི་ལྟར་འཐོབ་ཚུལ་བཤད། །ཐོག་མར་རྣམ་དབྱེ་དྲུག་པ་ཡི། །ཀྱི་གི་གྱི་འི་ཡི་རྣམས་ནི། །ད་བ་ས་དང་ད་དྲག་དག །ཐོབ་མཐར་ཀྱི་དང་ག་ང་གི །ན་མ་ར་ལ་བཞི་བོ་གྱི། །མཐའ་རྟེན་མེད་མཐར་འི་འཐོབ་ཅིང་། །རྐང་བ་སྐོང་ཚེ་ཡི་ཞེས་འཐོབ། །འོ་འུ་འམ་གྱི་ཚེག་ཁྱིམ་ཡང་། །ཁ་སྐོང་ཁ་སྐོང་མིན་པས་དབྱེ། །ཞེས་པས་བསྟན་ལ། ད་ནི་སྔ་མའི་མིང་ཚིག་གང་གི་རྗེས་སུ་འཇུག་པའི་རྗེས་འཇུག་སོགས་ཀྱི་སྒྲ་དྲག་ ཞན་གྱི་ཤུགས་ཀྱིས་སམ་ནུས་པས་ཚེག་བར་ཕྱི་མའི་ཡི་གེ་རྣམ་དབྱེ་དང་ཚིག་ཕྲད་ སོགས་ཇི་ལྟར་འཐོབ་པའམ་མིང་མཐའ་འདྲེན་པའི་ཚུལ་ཅུང་ཟད་བཤད་པ་ནི། དེ་ལ་ཐོག་མར་ཆོས་གང་གི་ཁྱད་གཞི་དང་ཁྱད་ཆོས་སོགས་འབྲེལ་བར་སྟོན་པའི་རྣམ་ དབྱེ་དྲུག་པ་ཡི་ཕྲད་ཀྱི་གི་གྱི་འི་ཡི་རྣམས་ནི་མིང་ཚིག་གང་གི་མཐར་སྒྲའི་ སྦྱོར་ཚུལ་ཇི་ལྟར་བྱེད་ཅེ་ན། དེ་ནི་རྟགས་འཇུག་གི་སྐབས་སུ་གསུངས་པ་ལྟར་ཕོ་མོ་མ་ནིང་གི་རྟགས་མཚུངས་བའི་ སྒོ་ནས་མིང་མཐའ་འདྲེན་པ་དང་། ཡང་ན་སྒྲ་མཚུངས་པའམ་བརྗོད་བདེ་བ་གང་རུང་གི་སྒོ་ནས་འདྲེན་པ་ཡིན། དེས་ན་མིང་ཚིག་གང་རུང་གི་མཐའི་རྗེས་འཇུག་གི་ཡི་གེ་དེ་ད་བ་ས་གསུམ་དང་ད་ཡང་ འཇུག་སྟེ་ད་དྲག་དག་འཐོབ་པའི་མཐར་རྣམ་དབྱེ་དྲུག་པའི་ཕྲད་ཀྱི་སྦྱོར་བ་དང་ག་ང་ གཉིས་ཀྱི་རྗེས་སུ་གི་དང་། ན་མ་ར་ལ་བཞི་བོའི་རྗེས་སུ་གྱི་འཐོབ་པ་ཡིན། དེ་དག་ལས་ད་བ་ས་དང་ད་དྲག་མཐར་ཀྱི་སྦྱོར་བ་ནི་རྟགས་མཚུངས་འདྲེན་པ་ཡིན་ཏེ། རྗེས་འཇུག་གི་ད་བ་ས་གསུམ་ཕོའི་ཡི་གེ་དང་། མིང་གཞིའི་ཀ་ཕོ་ཡིག་ཡིན་པས་གཉིས་ཀའི་རྟགས་ཕོ་ཡིག་ཡིན་པ་ལ་མཚུངས་པས་སོ། །ག་དང་ང་གཉིས་ཀྱི་རྗེས་སུ་གི་སྦྱོར་བ་ནི། གའི་རྗེས་སུ་གི་འཐོབ་པ་བརྗོད་བདེ་འདྲེན་པ་དང་། ངའི་རྗེས་སུ་གི་འཐོབ་པ་རྟགས་མཚུངས་འདྲེན་པ་ཡིན། དེ་བཞིན་ན་ར་ལ་གསུམ་གྱི་རྗེས་སུ་གྱི་འཐོབ་པ་བརྗོད་བདེ་དང་། མ་མཐར་གྱི་འཐོབ་པ་རྟགས་མཚུངས་ཡིན་ནོ། །རྣམ་དབྱེ་དྲུག་པ་ནི་དཔེར་ན། བུམ་པའི་མཆུ། གསེར་གྱི་ཁ་དོག་ཤར་ཕྱོགས་ཀྱི་ས་གཞི། བདག་གི་སྡོད་ཁང་། ཕྱི་རོལ་ཀྱི་མི། མཐའ་མེད་ནམ་མཁའ་ཡི་དབྱིངས་ན། །ལྟ་བུའོ། །མཐའ་རྟེན་མེད་པའམ་རྗེས་འཇུག་མེད་པ་དང་རྗེས་འཇུག་འ་ཡིག་གི་མཐར་འབྲེལ་སྒྲའི་ ཕྲད་འི་འཐོབ་ཅིང་། དཔེར་ན། ནམ་མཁའི་ཉི་མ། ཀ་བའི་ཟུར། བུམ་པའི་ལྟོ་བ་ལྟ་བུའོ། །ཚིག་གི་རྐང་བ་ཁ་སྐོང་དགོས་ཚེ་ཕྲད་ཡི་ཞེས་པ་འདི་ཉིད་འཐོབ། དཔེར་ན། འཇིག་རྟེན་སྲིད་པ་ཡི་མཛེས་རྒྱན། །ལྟ་བུའི་ཚིགས་བཅད་ལ་རྐང་བ་ཁ་སྐོང་དགོས་པས་ཡི་འཐོབ་པ་དང་། འཇིག་རྟེན་སྲིད་པའི་མཛེས་རྒྱན་དུ་བཞུགས་ནས། ལྟ་བུའི་ཚིག་ལྷུག་ལ་འབྲེལ་སྒྲའི་ཕྲད་འི་འཐོབ་པ་ཡིན། གཞན་ཡང་འོ་དང་འུ་འམ་སོགས་ཀྱི་ཕྲད་སྦྱོར་ཚེ་ཚེག་ཁྱིམ་དགོས་པ་དང་མི་དགོས་པའི་ ཁྱད་པར་ཡང་ཚིག་གི་ཁ་སྐོང་དགོས་ཚེ་ཚེག་ཁྱིམ་ཡོད་པ། དཔེར་ན། བདག་ཉིད་སྤྲོ་འོ་ཁྱེད་ཇི་ལྟར། །འདི་ཉིད་ལེའུ་དང་པོ་འོ། །ལྟ་བུའི་ཚིགས་བཅད་དག་ལ་ཚེག་ཁྱིམ་དགོས་པ་དང་། དཔེར་ན། ཡོན་ཏན་ཀུན་གྱི་ནང་ནས་སྒྲ་རིག་པ་སློབ་པར་བདག་ཤིན་ཏུ་སྤྲོའོ་ལྟ་བུའི་ཚིག་ ལྷུག་དག་ལ་ཚེག་ཁྱིམ་མི་དགོས་པ་ཡིན། ཡང་དཔེར་ན། གོང་གི་ལེའུ་གཉིས་པའི་ནང་དོན་འདི་ལྟར་བཤད་པའོ་ལྟ་བུ། ཁྱེད་ཉིད་སྐུ་ཁམས་བདེ་འམ་ཅི། །ཁྱེད་ཉིད་སྔར་ལས་ཀྱང་སྐུ་ཁམས་བདེ་བའམ་མི་བདེ་ལྟ་བུའི་ཁ་སྐོང་མིན་པས་སམ་མི་ དགོས་ཚེ་ཚེག་ཁྱིམ་མེད་པ་ལྟ་བུའི་ཁྱད་པར་གྱིས་ཚེག་ཁྱིམ་དགོས་མིན་གྱི་དབྱེ་བ་ འབྱེད་པ་ཡིན་ནོ། །གཉིས་པ། རྫོགས་ཚིགས་སོགས་བཤད་པ།དེ་ཡང་དགའ་འོ་བདེ་འོ་སོགས། །རྫོགས་ཚིག་ལ་ནི་འོ་ཉིད་དེ། །མཛེས་དགའ་བོ་དང་ཀུན་དགའ་བོ། །མཛའ་བོ་དཔའ་བོ་ངོ་བོ་དང་། །སྤྱི་བོ་ལ་སོགས་མིང་གི་ཆ། །ཝ་ཕྱེད་ཉིད་དུ་འབྲི་ཞིང་བཀླག །ཀུག་བསྐྱེད་ཅན་དང་བརྩེགས་པ་དང་། །མཐའ་རྟེན་ཅན་མཐར་འ་མཐའ་སྤང་། །ཞེས་པས་བསྟན་ལ། དེ་ཡང་རྫོགས་ཚིག་ཅེས་པ་རང་གི་ཚིག་གྲོགས་དེ་མི་འབྱུང་བར་བྱས་པས་ན་སླར་ བསྡུའམ་རྫོགས་ཚིག་ཡིན་ལ། དཔེར་ན། བདག་ཉིད་དགའ་འོ་དང་ཁྱོད་ཉིད་བདེ་འོ་སོགས་རྫོགས་ཚིག་ལ་ནི་དགའོ་བདེའོ་ལྟ་ བུའི་འ་མཐར་འོ་ཉིད་དེ་འོ་སྦྱར་བར་བྱ་དགོས། དེ་དག་དཔེར་ན། བྱ་བ་དེ་ལ་བདག་དགའོ། །བུམ་པའི་དབྱིབས་དེ་བདེའོ། །ཤར་ཕྱོགས་ན་འོད་སྣང་ངོ་ལྟ་བུ། དེ་མིན་དཔེར་ན་མཛེས་དགའ་བོ་དང་ཀུན་དགའ་བོ་ལྟ་བུ་དང་། ཀུན་དགའ་བོ་དང་བཟང་པོ་ལྟ་བུ། མཛའ་བོ་དང་དཔའ་བོ་ངོ་བོ་ཁོ་བོ་དང་གཞན་ཡང་སྤྱི་བོ་དཔའ་བོ་བཟང་པོ་ལ་སོགས་པ་ མང་པོ་ཞིག་ནི་མིང་གི་ཆ་ཤས་ལས་རྫོགས་ཚིག་མིན་ཏེ་རྫོགས་ཚིག་ཡིན་ན་རྗེས་འཇུག་ རང་འདྲའི་མཐར་སྦྱར་དགོས་ངེས་ཤིག་ཡིན་ནོ། །དེ་དག་ལ་ཝ་ཕྱེད་དམ་བ་ཉིད་དུ་འབྲི་ཞིང་བཀླག་པར་བྱ། ཀུག་བསྐྱེད་དམ་གི་གུ་ཞབས་ཀྱུ་འགྲེང་བུ་ན་རོ་སྟེ་དབྱངས་བཞི་གང་རུང་ཅན་དང་། བརྩེགས་པ་སྟེ་ར་ལ་སའི་མགོ་ཅན་དང་ཡ་ར་ལ་ཝའི་འདོགས་ཅན་རྣམས་དང་། མཐའ་རྟེན་ཅན་ཏེ་རྗེས་འཇུག་གཞན་དགུའི་མཐར་འ་མཐའ་སྤང་བར་བྱ་དགོས་སོ། །དཔེར་ན། གི གུ། ཀྱེ། སྒོ། ཤྭ  འཁོར་ལྟ་བུའི་རིགས་ལ་འ་མཐའ་འདོར་དགོས། ཡང་དཔེར་ན། དགའ། མཁའ། དམའ། གནའ། གདའ་ལྟ་བུའི་རིགས་ལ་འ་མཐའ་འཇོག་དགོས་པ་ཡིན་ཏེ་དེ་དག་ལ་འ་མཐའ་མེད་ཚེ་དག དམ། གན། གད། ལྟ་བུར་རྗེས་འཇུག་མེད་པ་ལྟར་འཁྲུལ་བ་འབྱུང་བའི་དེ་དག་ལྟ་བུ་ལ་འ་མཐའ་འཇོག་ དགོས་པ་ཡིན་ནོ། །གསུམ་པ། རྣམ་དབྱེ་བདུན་པ་སོགས་བཤད་པ།རྣམ་དབྱེ་བདུན་པ་ལ་དོན་གྱི། །ཏུ་དུ་སུ་རུའི་ཞབས་ཀྱུ་ནི། །ག་བ་ད་དྲག་ཅན་མཐར་ཏུ། །ང་ད་ན་མ་ར་ལ་དུ། །ས་སུ་མཐའ་རྟེན་མེད་པ་དང་། །འ་མཐར་རུ་ཞེས་བརྗོད་པ་ཡིན། །ཞེས་པས་བསྟན་ལ། རྣམ་དབྱེ་བདུན་པ་ནི་གཞི་གང་ཞིག་ལ་ཆོས་གང་ཞིག་བརྟེན་པའམ་ཡོད་པ་ཙམ་སྟོན་པ་ ཞིག་ལ་ཟེར། རྣམ་དབྱེ་གཉིས་བཞི་བདུན་པ་དེ་ཉིད་ཚེ་སྐབས་སོགས་ཀྱི་ལ་དོན་གྱི་ཕྲད་ཏུ་དུ་སུ་ ར་དང་རུའི་ཞབས་ཀྱུ་ཡོད་པ་ཅན་རྣམས་སྦྱོར་ཚུལ་ནི་གཅིག་པ་ཡིན་པས་ག་བ་དང་ད་དྲག་ ཅན་གྱི་མཐར་ལ་དོན་གྱི་ཕྲད་ཏུ་སྦྱོར་བ་དང་། ང་ད་ན་མ་ར་ལ་དག་གི་རྗེས་སུ་ཕྲད་དུ་ཡིག་སྦྱོར། སའི་རྗེས་སུ་ལ་དོན་སུ་དང་མཐའ་རྟེན་མེད་པའམ་རྗེས་འཇུག་མེད་པ་དང་འ་རྗེས་འཇུག་ ཅན་གྱི་མཐར་རུ་སྦྱོར་ཞེས་བརྗོད་པ་ཡིན། ལ་དོན་སུ་ར་རུ་དུ་ན་ལ་ཏུ་སྟེ་བདུན་ཡོད་པ་ལས་ན་དང་ལ་གཉིས་རྗེས་འཇུག་ལ་མི་ ལྟོས་པར་རང་དབང་དུ་སྦྱོར་ཆོག དེ་དག་ལས་རྣམ་དབྱེ་བདུན་པར་འཇུག་ཚུལ་དཔེར་ན། མདུན་དུ་གཙང་བོ་ཡོད། ལྗོན་ཤིང་རྩེ་རུ་ཁུ་བྱུག་གནས། ནགས་ཚལ་ན་རི་དྭགས་གནས། རྒྱ་མཚོ་ལ་ཉ་གནས། རྒྱབ་རི་ལ་ཁ་བ་ཆགས། ལྷོ་ཕྱོགས་སུ་ནགས་ཚལ་མཛེས། ཕ་རོལད་ཏུ་མི་ཚོགས་མང་། ཕ་ཡུལ་དུ་འབྱོར་ཕྱུག་ལྡན། ལྷ་ལྡན་ན་ཇོ་བོ་བཞུགས། ནམ་མཁར་སྤྲིན་གནས། བྱང་ཆུབ་སེམས་དཔའ་རུ་བཞུགས། བར་སྐོར་དུ་ཚོང་རྫས་མང་ལྟ་བུ་མང་དུ་ཡོད་པ་བཞིན་རྣམ་དབྱེ་གཉིས་བཞི་སོགས་ལའང་ རིགས་འགྲེས་སྦྱར་ཏེ་ཤེས་པར་བྱའོ། །བཞི་པ། ཚིག་ཕྲད་འདྲེན་ཚུལ་བཤད་པ་ལ།ཚིག་ཕྲད་ཅིང་སོགས་བཤད་པ། ལྷག་བཅས་སོགས་བཤད་པ། མིང་མཐའི་པ་བ་སོགས་བཤད་པ། ཚེག་དང་ཤད་བཤད་པ་སྟེ་བཞི་ལས།དང་པོ། ཚིག་ཕྲད་ཅིང་སོགས་བཤད་པ་ནི།ཚིག་ཕྲད་ག་བ་ད་རྗེས་སུ། །ཅིང་ཅེས་ཅེ་འོ་ཅེ་ན་ཅིག །ང་འ་ན་མ་ར་ལ་དང་། །མཐའ་རྟེན་མེད་པའི་རྗེས་དག་ཏུ། །ཞིང་ཞེས་ཞེ་འོ་ཞེ་ན་ཞིག །ས་མཐར་ཤིང་ཤེས་ཤེ་ན་ཤིག །ད་དྲག་ཐོབ་ངེས་ན་ར་ལའི། །རྗེས་སུ་ཅིང་སོགས་ལྔ་པོ་སྦྱོར། །ཞེས་པས་བསྟན་ལ། ཚིག་ཕྲད་དག་ནི་མིང་ཚིག་གང་ཡང་རུང་བའི་བར་མཚམས་སུ་སྦྱར་ན་ཚིག་སྔ་ཕྱི་ཕྲད་པར་ བྱེད་པའི་ནུས་པ་བཏོན་ཏེ་དོན་གསལ་བར་སྟོན་པ་ཞིག་ལ་ཚིག་ཕྲད་ཅེས་བརྗོད་པ་ཡིན། དེ་ལས་ཚིག་ཕྲད་ཅིང་སོགས་ནི། ག་བ་ད་རྗེས་འཇུག་ཅན་རྣམས་ཀྱི་རྗེས་སུ་ཅིང་ཅེས་ཅེ་འོ་ཅེ་ན་ཅིག་རྣམས་འཐོབ་པ་ ཡིན། དཔེར་ན། དྲག་ཅིང་རྩུབ། སྒྲུབ་ཅེའོ། བཤད་ཅེ་ན། མཆོད་ཅིང་བསྟོད་ཅེས་བཤད་ནའང་ལྟ་བུའོ། །རྗེས་འཇུག་ང་འ་ན་མ་ར་ལ་དང་། མཐའ་རྟེན་མེད་པའི་རྗེས་དག་ཏུ་ཚིག་ཕྲད་ཞིང་ཞེས་ཞེའོ་ཞེ་ན་ཞིག་རྣམས་འཐོབ་པ་ ནི། དཔེར་ན། སྙན་ཞིང་འཇེབས་པ། དཔང་མཐོ་ཞེས་བཤད། རྒྱུན་དུ་བསྟེན་ཞེའོ། གསལ་ཞིང་འོད་འཚེར། སྟེར་ཞེ་ན། འདི་དགེ་རྒན་ཞིག་ཡིན་ལྟ་བུའོ། །རྗེས་འཇུག་ས་མཐར་ཤིང་དང་ཤེས་ཤེ་ན་ཤིག་རྣམས་འཐོབ་པ་ཡིན་ཡང་དམིགས་བསལ་དུ་ས་ མཐར་ཤེས་སྦྱར་ཚེ་ཤེས་པའམ་རྟོགས་པའི་དོན་དང་ནོར་ས་ཡོད་པ་དག་ལ་ཞེས་ཐོབ་པ་ཡིན། དཔེར་ན། འདི་འདྲའི་ཚིག་མཐུན་ལ་འཁྲུལ་ནས། །ཤེས་པ་ལྟར་ཞེས་སྦྱར་བ་མི་བདེ་བས། དེ་འདྲའི་རིགས་ལ་ཞེས་སྦྱར་དགོས། མ་ནི་ཤེས་རབ་ཕ་ནི་ཐབས། །ཞེས་པ་ལྟར་ལྟ་བུ། ཡང་ད་དྲག་ཐོབ་པར་ངེས་པའི་ན་ར་ལའི་རྗེས་འཇུག་ཅན་དག་གི་རྗེས་སུ་གོང་གི་ཅིང་ སོགས་ལྔ་པོ་སྦྱོར་དགོས། དཔེར་ན། བདེ་བར་བྱོནད་ཅིག ཇི་དགར་རོལད་ཅེ་ན། མཁྱེནད་ཅིང་གཟིགས་པ་ཆེན་པོ། ཁོ་ལ་འབྱོརད་ཅེས་བཤད་ནའང་ལྟ་བུ་མང་དུ་ཡོད་དོ། །