དག་ཡིག་མཁས་པ་དགའ་སྐྱེད་ཀྱི་རྩ་བ་དང་འགྲེལ་བ།

གཉིས་པ། ལྷག་བཅས་སོགས་བཤད་པ་ནི།ན་ར་ལ་ས་ད་དྲག་གི །རྗེས་སུ་ཏེ་རྐྱང་ད་མཐར་དེ། །ག་ང་བ་མ་འ་དང་ནི། །མཐའ་རྟེན་མེད་རྗེས་སྟེ་ཞེས་འཐོབ། །ག་ད་བ་ས་ཉིད་དང་ནི། །ད་དྲག་ཐོབ་པའི་རྗེས་སུ་ཀྱང་། །ང་འ་ན་མ་ར་ལ་ཡང་། །མཐའ་རྟེན་མེད་མཐར་འང་དང་ནི། །རྐང་བ་སྐོང་ཚེ་ཡང་ཞེས་བྱ། །དྲི་དང་རྫོགས་ཚིག་སྐབས་སུ་ནི། །མཐའ་རྟེན་མེད་མཐར་འམ་དང་འོ། །མཐའ་རྟེན་ཅན་རྣམས་རང་རང་དང་། །ད་དྲག་ཅན་མཐར་ད་ཡིག་ལ། །རིམ་བཞིན་མ་དང་ན་རོ་གཉིས། །མཁས་པས་ཡང་དག་སྦྱར་བར་བྱ། །ཞེས་པས་བསྟན་ལ། ལྷག་བཅས་ནི་མིང་ཚིག་གང་རུང་གི་མཐར་སྦྱར་ཚེ་བརྗོད་པ་སྔ་མས་མིང་ཚིག་གཞན་ཞིག་ འདྲེན་རྒྱུ་ཡོད་པར་སྟོན་པ་ཞིག་ལ་ལྷག་བཅས་ཟེར། དེ་དག་ནི་རྗེས་འཇུག་ན་ར་ལ་ས་དང་ད་དྲག་ཡོད་པ་དག་གི་རྗེས་སུ་ཏེ་རྐྱང་ངམ་ས་ མགོ་མེད་པའི་ཏེ་རྐྱང་ཐོབ་པའི་དོན་ཡིན་ཏེ། དཔེར་ན། ཞུ་བ་བྱས་ཏེ་ཐག་གཅོད། མཐར་སྦྱར་ཏེ། དེ་མིན་ཏེ། འོད་གསལ་ཏེ་ལྟ་བུ། རྗེས་འཇུག་ད་མཐར་དེ་དང་ག་ང་བ་མ་འ་དང་ནི་གཞན་མཐའ་རྟེན་མེད་པ་དག་གི་རྗེས་སུ་ སྟེ་ཞེས་པ་འདི་ཉིད་འཐོབ། དཔེར་ན། གཏམ་བཤད་དེ། ཡོད་དེ་ལྟ་བུ། གང་རུང་ཞིག་སྟེ། ཁ་བཀང་སྟེ། ས་བོན་བཏབ་སྟེ། ཚོད་བགམ་སྟེ། ཡིད་དགའ་སྟེ། གང་དུའང་མི་འགྲོ་སྟེ་ལྟ་བུ། རྗེས་འཇུག་ག་ད་བ་ས་ཉིད་དང་ནི་ད་དྲག་ཐོབ་པའི་རྗེས་སུ་ཀྱང་འཐོབ་པ་ཡིན། དཔེར་ན། སྤྱིར་དེ་ལྟར་འཇུག་ཀྱང་། བསྟོད་ཀྱང་ཆོག རྩུབ་ཀྱང་། གསུངས་ཀྱང་། བཀའ་བསྩལད་ཀྱང་ལྟ་བུའོ། །རྗེས་འཇུག་ང་འ་ན་མ་ར་ལ་དག་གི་རྗེས་སུ་ཡང་འཐོབ་པ། དཔེར་ན། གང་ཡང་མེད། མདའ་ཡང་འཕངས། བསམ་ཡང་སྲིད། མེ་ཏོག་གཏོར་ཡང་། གསལ་ཡང་ལྟ་བུ། མཐའ་རྟེན་མེད་པ་དག་གི་མཐར་འང་སྦྱར་པ་དང་ནི་ཚིག་གི་རྐང་བ་ཁ་སྐོང་དགོས་ཚེ་ཡང་ ཞེས་བྱ་བ་འདི་ཉིད་སྦྱར་དགོས། དཔེར་ན། ལྷའང་ཡིན། འགྲོ་བའང་ཡིན་ལྟ་བུ། དེ་ཚེ་མཁས་པ་ཁྱེད་ལ་ཡང་། །ལྟ་བུའོ། །རྗེས་འཇུག་བཅུ་པོ་ལ་མ་ཡིག་སྦྱར་བ་ནི་གཏམ་སོགས་དྲི་བ་ལ་འཇུག་པ་དང་། རྗེས་འཇུག་རང་འདྲའི་མཐར་རང་རང་ལ་རྣ་རུ་རེ་སྦྱར་བ་ནི་རྫོགས་ཚིག་སྟོན་བྱེད་ དུ་འགྲོ་བ་དེ་དག་གི་སྐབས་སུ་ནི་མཐའ་རྟེན་མེད་པ་དག་གི་མཐར་དྲི་ཚིག་འམ་སོགས་ དང་རྫོགས་ཚིག་སོགས་ལ་འོ་འཐོབ་པ་ཡིན་ལ། དཔེར་ན། ཁྱེད་བདེའམ་ལྟ་བུ་དྲི་བ་དང་། ང་བདེའོ་ལྟ་བུ་རྫོགས་ཚིག་གོ ། འདི་ལྷའམ་ཀླུ། ལྷའོ་ལྟ་བུ་དང་། མཐའ་རྟེན་ཅན་རྣམས་ལ་རྗེས་འཇུག་རང་རང་དང་མཐུན་པར་སྦྱོར་དགོས། དཔེར་ན། འདི་ནི་གནས་མཆོག་གོ ། ལེགས་པར་མཐོང་ངོ་། །ཡིད་ལ་བྱས་སོ། །དེ་རུ་ཡོད་དོ། །ཡོན་ཏན་ཅན་ནོ་ལྟ་བུ། ད་དྲག་ཅན་གྱི་མཐར་ད་ཡིག་ལ་རིམ་པ་བཞིན་དུ་མཁྱེན་ཏམ་ལྟ་བུའི་མ་དང་། མཁྱེན་ནོ་ལྟ་བུའི་ན་རོ་གཉིས་མཁས་པས་ཡང་དག་པར་སྦྱར་བར་བྱ་སྟེ། དཔེར་ན། བསྒྱུར་རམ་བསྒྱུརད་ཏོ། །བྱོནད་ཏམ་བྱོནད་ཏོ། །རོལད་ཏམ་རོལད་ཏོ་ལྟ་བུའོ། །གསུམ་པ་། མིང་མཐའི་པ་བ་སོགས་བཤད་པ་ནི།མིང་མཐའི་པ་བའི་ཁྱད་པར་ནི། །ག་ད་ན་བ་མ་ས་དང་། །ད་དྲག་ཅན་མཐར་པ་དང་ནི། །ང་འ་ར་ལ་མཐའ་མེད་མཐའི། །ཝ་ཕྱེད་བར་འབོད་རྣམས་ལ་བ། །གཞན་ལ་པ་ཉིད་སྦྱར་ཏེ་བཀླག །ཅེས་པས་བསྟན་ལ། མིང་མཐའི་པ་དང་བའི་ཁྱད་པར་ནི་རྗེས་འཇུག་ག་ད་ན་བ་མ་ས་དང་ད་དྲག་ཅན་གྱི་མཐར་པ་ དང་ནི་རྗེས་འཇུག་ང་འ་ར་ལ་དང་མཐའ་མེད་མཐའི་རྗེས་སུ་དག་ཡིག་ངག་སྒྲོན་འགྲེལ་བ་ ལས་གསུངས་པ་ལྟར་ཝ་ཕྱེད་ལ་བར་འབོད་པ་ཞེས་བོད་ཡིག་གི་གཟུགས་ཀྱི་སྟེང་ནས་ཝ་ ཡིག་ཕྱེད་ཀ་ལ་བ་ཞེས་འབོད་པ་རྣམས་ལ་ཝ་ཕྱེད་ནི་བ་ཉིད་ཡིན་པས་དེ་སྦྱར་བར་བྱ་ སྟེ། དེ་དག་དཔེར་ན། ཟག་པ་མེད་པ། ཡིན་པ། ཐོབ་པ། བསམ་པ། ཕུན་སུམ་ཚོགས་པ། མནནད་པ། ཕྱིནད་པ་ལྟ་བུ། གང་བ། དགའ་བ། ནོར་བ། རྒྱལ་བ། བདེ་བ། མཐོ་བ་ལྟ་བུའོ། །གཞན་ཡང་མིང་མཐའི་པ་བ་དང་བདག་སྒྲའི་པ་པོའི་སྦྱོར་ཚུལ་མི་འདྲ་ལ་བདག་སྒྲའི་པ་ པོ་ནི་རྗེས་འཇུག་ལ་ལྟོས་མི་དགོས་པར་ཕྲད་རང་དབང་དུ་སྦྱོར་ཆོག་པས་བདག་སྒྲའི་ ཕྲད་ཐོབ་པའི་ཚེ་ལ་པ་དང་པོ་ཉིད་གང་རུང་སྦྱར་ཏེ་བཀླག་དགོས། དཔེར་ན། མཁས་པ། ཤར་པ། ལྷོ་པ། རྟ་པ། ཡོན་ཏན་པ། རྣལ་འབྱོར་པ། ཡི་གེ་པ། མཁན་པོ། ལེན་པ་པོ། སྦྱང་བ་པོ། འགྲོ་བ་པོ་ལྟ་བུའོ། །