དོར་ཞི་གདོང་དྲུག་སྙེམས་བློ།

དོར་ཞི་གདོང་དྲུག་སྙེམས་བློ།

        ༡༩༣༥ལོར་ཀན་སུའུ་དཔའ་རིས་སུ་འཁྲུངས། དགུང་ལོ་༡༢སྟེང་དཔའ་རིས་མཆོད་རྟེན་ཐང་གི་བཤད་གྲྭར་ཞུགས་ནས་བསྡུས་ཚད་རྒྱན་འཇུག་སོགས་མཚན་ཉིད་དང་། སྒྲ་སྙན་སྨན་རྩིས་སོགས་ཐུན་མོང་རིག་གནས་ལ་གསན་སྦྱོང་ལེགས་པར་མཛད། དགུང་ལོ་༡༨ཀྱི་ཐོག་ཐར་ཕྱིན་འཛིན་གྲྭ་ལས་ཐོན་ནས་བོད་ཡིག་དགེ་རྒན་མཛད། རྒྱ་ཡིག་དང་དབྱིན་ཇི། ཨུ་རུ་སུའི་ཡི་གེ་སོགས་བསླབ་པའི་གོ་སྐབས་ཪྙེད། ཕྱིས་སུ་བླ་བྲང་བཀྲ་ཤིས་འཁྱིལ་དུ་ཕེབས་ནས། པན་ཆེན་སྐུ་ཕྲེང་བཅུ་བའི་ཡོངས་འཛིན་བསང་ཁོག་འཇིགས་མེད་ཚང་དང་། ལྷ་མོ་ཚུལ་ཁྲིམས་ཚང་སོགས་དགེ་བཤེས་མང་པོའི་མདུན་ནས་ཆོས་དང་རིག་གནས་གཉིས་ཆར་སྦྱངས། ༡༩༨༣ལོ་ནས་བཟུང་ནུབ་བྱང་མི་རིགས་སློབ་གླིང་དུ་ཕྱག་ལས་གནང་ཞིང་སྔ་ཕྱིར་དགེ་རྒན་ཆེན་མོ་གཞོན་པ་དང་དགེ་རྒན་ཆེན་མོའི་ལས་མིང་ཐོབ། སློབ་ཁྲིད་ཀྱི་ཞོར་དུ་ཁོང་གིས་སྙན་ངག་དང་། ལོ་རྒྱུས། རིག་གནས། ཆོས་ལུགས་སོགས་ཀྱི་ཆེད་རྩོམ་༥༠ལྷག་ཙམ་སྤེལ་བ་རེད།