གནས་མཆོག་ཁ་བ་དཀར་པོ།

  ངག་རྒྱུན་ལྟར་ན།  ཁ་བ་དཀར་པོ་དང་ཐོག་བཀའ་བརྒྱུད་པའི་བསྟན་སྲུང་ཞིག་ཡིན་པ་དང་།   ཡོན་རྒྱལ་རབས་ཀྱི་དུས་སུ་ཀརྨ་སྐུ་ཕྲེང་གསུམ་པ་རང་བྱུང་རྡོ་རྗེ（སྤྱི་ལོ་༡༢༨༤-༡༣༣༩）དངོས་སུ་གནས་དེར་ཕེབས་ཤིང་ཁ་བ་དཀར་པོར་རབ་གནས་མཛད་པ་ནས་བཟུང་གནས་མཆོག་དེ་བཀའ་བརྒྱུད་པའི་སྒྲུབ་གནས་སུ་གྱུར་པར་བཤད།   ཡང《གླིང་གེ་སར་རྒྱལ་པོའི་སྒྲུང-རྒྱ་གླིང》དུ་ཁ་བ་དཀར་པོའི་རི་ནི་སྔོན་ཆད་གསང་བདག་གི་གནས་དང་།   སློབ་དཔོན་པད་འབྱུང་གི་ཆོས་གཏེར་བདག་གཉེར་བྱེད་མཁན་གྱི་ལྷ་ཞིག་ཀྱང་ཡིན་པར་བརྗོད།  གེ་སར་རྒྱལ་པོས་དམ་ལ་བཏགས་ཏེ་དགེ་བསྙེན་གྱི་སྡོམ་པ་བསྐུར་བ་ནས་བཟུང་བསྟན་སྲུང་དུ་གྱུར་ཟེར།  གནས་དེའི་ལྷ་ཁང་ཞིག་ཏུ་སྟོན་པ་ཤྰཀྱ་ཐུབ་པའི་འབག་སྐུའི་གཡོན་ཕྱོགས་སུ་ཁ་བ་དཀར་པོ་བཅིབས་རྟ་དཀར་པོ་ཞིག་ལ་བཅིབས་པ་དང་།    ཕྱག་ཏུ་མདུང་རིང་ཐོགས་པའི་གཞི་བདག་ཅིག་གི་ཚུལ་དུ་བཞེངས་ཡོད།  བཤད་ཚུལ་ལྟར་ན།  ལོ་རེའི་ཟླ་༣པའི་ཚེས་༡༥ཉིན།  ཕྱོགས་བཞི་མཚམས་བརྒྱད་ནས་ཡོང་བའི་བོད་རིགས་སྤུན་ཟླས་གནས་དེ་ནས་བསང་མཆོད་ཕུལ་ཏེ།  བསྟན་སྲུང་བ་ཁ་བ་དཀར་པོར་མཆོད་འབུལ་བྱེད་པའི་སྲོལ་ཞིག་དར་ཡོད།  གལ་ཏེ་བསང་ཐལ་སྟེང་བསྟན་སྲུང་ཁ་བ་དཀར་པོའི་ཆིབས་པའི་ཞབས་རྗེས་བབས་ནས་འབྱུང་འགྱུར་གྱི་བྱ་གཞག་ལ་བརྟག་ཐུབ་ཟེར།

  ཀརྨ་སྐུ་ཕྲེང་གཉིས་པ་ཀརྨ་ཆོས་ཀྱི་བླ་མ（སྤྱི་ལོ་༡༣༠༤ནས༡༢༨༣）ཡིས་ཁ་བ་དཀར་པོའི་གསོལ་མཆོད་བསྟོད་པ་ཞིག་ཀྱང་བརྩམས་ཡོད་པར་གྲགས།   ལུག་གི་ལོ་ནི་བསྟན་སྲུང་ཁ་བ་དཀར་པོའི་རང་ལོ་ཡིན་པས།  སྔར་ལས་ལྷག་པར་དད་ལྡན་མང་ཚོགས་དང་ལྗོངས་རྒྱུ་པ་མང་བོ་གནས་དེར་ཡོང་ནས།  ལྗོངས་རྒྱུ་ལྟད་མོ་ལ་རོལ་བར་བྱེད་དོ། །