མང་པོས་བཀུར་བའི་གདུང་རབས་ཀྱི་སྐབས།

        དེའི་ཐ་མ་བུ་རམ་ཤིང་པ་འཕགས་སྐྱེས་པོ། དེ་ལ་བུ་བཞི་སྟེ། སྐར་མདའ་གདོང་དང༌། ལག་རྣ་དང༌། གླང་པོ་ཆེ་འདུལ་དང༌། རྐང་གདུབ་ཅན་ནོ། དུས་གཅིག་ན་དེའི་བཙུན་མོ་དམ་པ་ཤི་ནས་ཡིད་ཁོང་དུ་ཆུད་ནས་འདུག་པ་ལ། བློན་པོས་དྲིས་པས་རྒྱས་པར་སྨྲས་པ་དང༌། བཙུན་མོ་གཞན་བཙལ། གཞོན་ནུ་རྒྱལ་སྲིད་འདོད་པས་སུའི་བུ་སྟེར། བདག་ཅག་གིས་བཙལ་ལོ། ཇི་ཙམ་ན་རྒྱལ་པོ་གཞན་ཞིག་གི་བུ་མོ་གཟུགས་བཟང་བ་ཞིག་མཐོང་ནས། རྒྱལ་པོ་དེ་ཙ་ན་སོང་སྟེ་བཀྲ་ཤིས་པར་གྱུར་ཅིག་ཅི་སློང༌། བུ་རམ་ཤིང་པ་འཕགས་སྐྱེས་པོ་བཙུན་མོ་དམ་པ་གུམ་པས་སྲས་མོ་སློང་ངོ༌།། རུང་མོད་ཀྱི་དམ་ཞིག་བཅའ་སྟེ། ངའི་བུ་མོ་ལ་ཁྱེའུ་བྱུང་ན་རྒྱལ་སྲིད་དུ་འཇོག་ན་སྦྱིན་ནོ།། བགྱིའོ་ཞེས་གསོལ་ནས། བུ་རམ་ཤིང་པ་འཕགས་སྐྱེས་པོ་ལ་སྨྲས་པས། ཕུ་བོ་བཞག་ནས་ནུ་བོ་རྒྱལ་སྲིད་ལ་ཇི་ལྟར་བཞགདོན་འདི་ལ་ངེས་པ་མ་མཆིས་ཏེ། བུ་ཚ་འབྱུང་བའི་ངེས་པའང་མེད། བྱུང་ནའང་བུ་དང་བུ་མོ་གང་འབྱུང་གི་ངེས་པའང་མ་མཆིས་སོ་ཞེས་སྨྲས་པས། དེ་བླངས་ཏེ་དགའ་མགུར་སྤྱད་པས་བུ་གཅིག་བྱུང་བ། མ་སྐྱེས་པ་ནས་རྒྱལ་སྲིད་འདོད་པས་རྒྱལ་སྲིད་དགའ་ཞེས་མིང་བཏགས་སོ། །དེ་ཆེར་སྐྱེས་པ་དང་རྒྱལ་སྲིད་ལ་མ་བཞག་པ་ཞང་པོས་ཐོས་ནས་ཚིག་རྩུབ་པོ་དང་བཅས་པས་སྤྲིངས་པ། ཁྱོད་སྔོན་ཁས་བླངས་བཞིན་བྱེད་ན་ལེགས། མི་བྱེད་ན་མཐུ་བསྐྱེད་ལ་སྡོད་ཅིགཁོ་བོ་འོ་ནིར་འོངས་ལ་ཡུལ་འཁོར་བུར་མར་བརླག་གོ་ཞེས་སྤྲིངས་པ་དང༌། འདི་ལ་ཇི་ལྟར་རྒྱལ་སྲིད་དགའ་རྒྱལ་པོར་དབང་བསྐུར་མོད། ཕུ་བོ་བཞག་ནས་ནུ་བོ་དང་བསྐུར་བ་འོས་པ་མ་ཡིན་ནོ།། རྒྱལ་པོ་དེ་ནི་སྟོབས་དང་ལྡན་པས་འདི་དབང་བསྐུར་ལ་གཞོན་ནུ་རྣམས་སྤྱུག་ཏུ་གསོལ། ཉེས་པ་མེད་པར་ཇི་ལྟར་སྤྱུགབདག་ཅག་ནི་བློན་པོ་ལགས་པས་ལྷའི་དོན་སེམས་ཤིང་ཉེས་པ་མེད་པའང་སྤྱུགཡོད་པའང་འཇོག་གོཅང་མི་སྨྲ་བ་དང་བློན་པོ་རྣམས་གྲོས་བྱས་ཏེ་གཞོན་ནུ་རྣམས་རྒྱལ་པོའི་ཐུགས་ཕྱུང་བའི་ཐབས་བྱའོ་ཞེས་བགྲོས་ནས། སྐྱེད་མོས་ཚལ་བྱི་དོར་བྱས་པ་རི་མོ་སྣ་ཚོགས་བྲིས་པ་ཞིག་ཏུ་རྩེད་ཆས་སྣ་ཚོགས་བཤམས་ཏེ་སྒོར་བྱུང་བ་དང༌། གཞོན་ནུ་རྣམས་ཀྱིས་དྲིས་པ། སུའི་ཚལ། ལྷའི་འོ། །ལོག་པར་བརྩམས་པས་ཞུགས་ཤིགདེ་དག་སྐྱེད་མོས་ཚལ་དུ་རྩེ་བ་དང༌། བློན་པོས་རྒྱལ་པོ་སྤྱན་དྲངས་ཏེ་འོངས་པས། ཀུ་ཅོའི་སྒྲ་ཐོས་ནས་ཅི་ཡིན། གཞོན་ནུ་རྣམས་སོ། ངས་གཞོན་ནུ་སྤངས་སོ། ལྷ་མི་སྤོང་བར་གསོལ། སྤྱུག་པར་བགྱིའོ། གྱིས་ཤིག། དེ་རྣམས་སྤྱུག་པར་བྱས་པ་དང༌། རྒྱལ་པོའི་རྐང་པ་ལ་གཏུགས་ཏེ། བདག་ཅག་འཁོར་གྱི་སྐྱེ་བོ་དང་ལྷན་ཅིག་མཆིས་ན། མི་དགག་པར་གསོལ། གྱིས་ཤིགདེ་ནས་དེ་རྣམས་ལ་དགའ་བའི་འཁོར་གྱི་སྐྱེ་བོའི་ཚོགས་དང་ལྷན་ཅིག་ཆས་ཏེ། ཞག་བདུན་དུ་གྲུ་འཛིན་གྱི་སྒོ་ཕྱེ་ནས་སྐྱེ་བོའི་ཚོགས་སོང་བ་དང༌། བློན་པོས་སྒོ་མ་བཀུམ་ན་གྲུ་འཛིན་སྟོངས་པར་འགྱུར་རོ། སྒོ་ཆོད་ཅིག་བཅད་དོ། །དེ་ནས་དེ་རྣམས་རང་རང་གི་སྲིང་མོ་ཁྲིད་ནས་མཐར་གྱིས་གངས་རི་དང་ཉེ་བ་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཉེ་བ་ཞིག་ཏུ་ལོ་མའི་སྤྱིལ་པོ་བཏབ་སྟེ་གནས་བཅས་ནས་རི་དྭགས་བསད་ཅིང་འཚོའོ། དེ་དག་དུས་གསུམ་དུ་སེར་སྐྱའི་བསྟི་གནས་སུ་འགྲོ་འོ། དེ་རྣམས་ལང་ཚོ་དར་འདོད་ཆགས་ཀྱིས་ཉེན་ནས་སྐྱ་བོ་སེང་སེང་པོར་གྱུར་པ་དང༌། སེར་སྐྱས་དྲིས་པས་ཇི་ལྟར་ཡིན་པ་སྨྲས་པས། རང་རང་གི་སྲིང་མོ་སྤོངས་ལ། མས་དབེན་གྱི་སྲིང་མོ་བསྟེན་ཅིགརུང་ངམ་རྒྱལ་རིགས་རྒྱལ་སྲིད་སྟོངས་པ་ལ་རུང་ངོ༌། དེ་རྣམས་དྲང་སྲོང་གི་ཚིག་ཚད་མ་ཡིན་སྙམ་ནས། མས་དབེན་གྱི་སྲིང་མོ་དང་ལྷན་ཅིག་སྤྱད་པས་བུ་དང་བུ་མོ་མང་པོ་བཙས་ཏེ་ཆེན་པོར་གྱུར་པ་དང༌། བསམ་གཏན་གྱི་ཚེར་མ་སྒྲ་ཡིན་པས། སེར་སྐྱས་སེམས་རྩེ་གཅིག་པ་མ་ཐོབ་པ་དང༌། སེར་སྐྱས་མཐོང་གིས། འགྲོའོ། །ཅིའི་ཕྱིར། འདིའི་ཕྱིར་རོ། ཁྱེད་འདི་ཉིད་དུ་བཞུགས་ཤིགབདག་ཅག་གནས་གཞན་དུ་མཆིའོ། ས་ཕྱོགས་ཕོག་ཅིགདྲང་སྲོང་དེས་གསེར་གྱི་བྱ་མ་བུམ་བླངས་ཏེ། ཆུ་རྒྱུན་གྱིས་གྲོང་ཁྱེར་གྱི་རྣམ་པ་བྲིས་ནས། དེ་རྣམས་ཀྱིས་གྲོང་ཁྱེར་བརྩིས་པས་སེར་སྐྱའི་གཞི་ཞེས་གྲགས་སོ། །དེར་དེ་རྣམས་འཕེལ་བར་གྱུར་ནས་དོག་པས་འཕེལ་བར་མ་གྱུར་པ་དང༌། ལྷས་དེ་རྣམས་ཀྱི་སེམས་ཤེས་ནས་ཕྱོགས་གཞན་ཞིག་བསྟན་པས། དེར་གྲོང་ཁྱེར་བརྩིགས་པས་ལྷས་བསྟན་ཞེས་བྱའོ། དེ་རྣམས་ཚོགས་ནས་བདག་ཅག་སྤྱུག་པ་དེ་རིགས་མཉམ་པ་ལས་ཆུན་མ་བླངས་པས་གྱུར་གྱི། དེར་སུས་ཀྱང་རིགས་མཉམ་པ་ལས་ཆུན་མ་བླང་བར་མི་བྱའོ། །གཅིག་ཁོ་ནས་ཆོག་ཤེས་པ་བྱའོ་ཞེས་བཅས་སོ། དེའི་ཚེ་རྒྱལ་པོ་འཕགས་སྐྱེས་པོས་བུ་རྣམས་དྲན་ཏེ། དེ་རྣམས་གང་ན་འདུགབློན་པོས་རྒྱས་པར་བཤད་པས་གཞོན་ནུ་རྣམས་སྲིང་མོ་དང་ལྷན་ཅིག་བྱེད་ཕོད་དམ། རྔོ་ཐོགས་ལགས་སོ། ཀྱེ་མ་གཞོན་ནུ་རྣམས་ནི་ཕོད་པའོ་ཞེས་དབང་ཆེན་པོས་ཚིག་ཏུ་བརྗོད་པས་ཕོད་པ་ཞེས་གྲགས་ཏེ་ཤཱཀྱ་ཞེས་བྱའོ། དེ་ནས་རྒྱལ་པོ་འཕགས་སྐྱེས་པོ་ཤི་ནས་རྒྱལ་སྲིད་དགའ་དབང་བསྐུར། དེའང་བུ་མེད་པར་ཤི་ནས་སྐར་མདའ་གདོང་དང༌། ལག་རྣ་དང༌། གླང་པོ་ཆེ་འདུལ་རྣམས་བསྐོས་པས་ཀྱང་བུ་མེད་པར་ཤི་ནས། རྐང་གདུབ་ཅན་རྒྱལ་པོར་གྱུར་ཏེ། དེའི་བུ་གནས་འཇོགདེའི་བུ་ས་ཁྱིམ་ནས་བརྒྱུད་པ་རྒྱལ་པོ་ལྔ་ཁྲི་ལྔ་སྟོང་སེར་སྐྱར་བྱུང་ངོ༌། དེའི་ཐ་མ་རྒྱལ་པོ་ཤིང་རྟ་བཅུ་པ་སོགས་མིང་སྨོས་པ་བཅུ་གཉིས་བྱུང་བའི་ཐ་མ་གཞུ་བརྟན། དེ་ལ་བུ་སེང་གེའི་འགྲམ་དང་སེང་གེ་སྒྲ་གཉིས་ཏེ་སེང་གེའི་འགྲམ་ནི་འཛམ་བུའི་གླིང་ན་གཞུ་ཐོགས་རྣམས་ཀྱི་མཆོག་གོ། དེ་ལ་བུ་བཞི་སྟེ། ཟས་གཙང་དང༌། ཟས་དཀར་དང༌། བྲེའོ་ཟས་དང༌། བདུད་རྩི་ཟས་སོ། །བུ་མོ་གཙང་མ་དང༌། དཀར་མོ་དང༌། བྲེའོ་མ་དང༌། བདུད་རྩི་མའོ། །ཟས་གཙང་ལ་བུ་བཅོམ་ལྡན་འདས། ཅུང་དགའ་བོ། ཟས་དཀར་ལ་རྒྱལ་བ་དང༌། རྒྱལ་པོ་བཟང་ལྡན་ནོ། །བྲེའོ་ཟས་ལ་མིང་ཆེན་དང༌། མ་འགགས་པའོ། །བདུད་རྩི་ཟས་ལ་ཀུན་དགའ་བོ་དང་ལྷ་སྦྱིན་ནོ། །གཙང་མའི་བུ་ལེགས་པར་རབ་སད་དོ། །དཀར་མོའི་བུ་ཕྲེང་བ་ཅན། བྲེའོ་མའི་བུ་བཟང་ལེན། བདུད་རྩི་མའི་བུ་དགེ་འཕེལ་ལོ། །བཅོམ་ལྡན་འདས་ཀྱི་སྲས་སྒྲ་གཅན་ཟིན་ཏེ། དེས་མང་པོས་བཀུར་བའི་བརྒྱུད་རྫོགས། དེ་ལ་ཟས་གཙང་ཡན་དུ་ས་ཡ་ཆིག་འབུམ་ཉི་ཁྲི་ཆིག་སྟོང་ལྔ་བརྒྱ་བཅུ་བཞི་རྣམས་བྱུང་ངོ༌། །འཇིག་རྟེན་གདགས་པར་ནི། །མང་པོས་བཀུར་བ། དེའི་བུ་འོད་མཛེས། དེའི་བུ་དགེ་བ། དེའི་བུ་དགེ་མཆོགདེའི་བུ་གསོ་སྦྱོང་འཕགས། དེའི་བུ་སྤྱི་བོ་སྐྱེད། འདིས་གླིང་བཞི་ལ་དབང་བསྒྱུར་དེའི་བུ་མཛེས་པས་གླིང་གསུམ། དེའི་བུ་ཉེ་མཛེས་ཀྱིས་གླིང་གཉིས། དེའི་བུ་མཛེས་ཅན་གྱིས་གླིང་གཅིག། དེའི་བུ་མཛེས་ལྡན་ཡང་གླིང་གཅིག་ལ་དབང་ངོ༌། དེ་མན་ཆད་འཁོར་ལོས་སྒྱུར་བ་ཐམས་ཅད་གླིང་གཅིག་དབང་བར་བཤད་ལ། མཛེས་ལྡན་གྱི་བུ་བཏང་བ། དེའི་བུ་བཏང་ཟུང༌། དེའི་བུ་ཤ་ཀུ་ནི། དེ་ནས་ཤ་ཀུ་ནི་ཆེན་པོ། ཀུ་ཤི། ཉེ་བའི་ཀུ་ཤི་ཀུ་ཤི་ཆེན་པོ། ལེགས་མཐོང༌། ལེགས་མཐོང་ཆེན་པོ། གནོད་སེལ། གསེར་མདོགསྐལ་ལྡན། ངན་སྤོང༌། ལྷུན་པོ། ངེས་འགྲོ། རབ་ཏུ་སྒྲ་གྲགས། རབ་ཏུ་སྒྲ་གྲགས་ཆེན་པོ། བདེ་བྱེད། ཕྱོགས་བདགརྡུལ་བཟང༌། རྒྱས་བྱེད། ལྷ་ཆེན་པོ། དེའི་བུ་བརྒྱུད་བརྒྱ་ཁྲི་བཞི་སྟོང་གིས་འདྲེས་པའི་གྲོང་ཁྱེར་དུ་རྒྱལ་སྲིད་བསྐྱངས། དེའི་འོག་ཏུ་མུ་ཁྱུད། རྒྱལ་བ་པ། ལྷུན་པོ། འཇིགས་བྱེད་ཤིང་རྟ། ཤིང་རྟ་བརྒྱ་པ། ཤིང་རྟ་བཅུ་པ། དེའི་འོག་ཏུ་ལྔ་འཛིན་གྱི་རྒྱལ་པོ་ལྔ་སྟོང༌། དེའི་འོག་ཏུ་ཀ་ལིངྐའི་རྒྱལ་པོ་ལྔ་སྟོང༌། དེའི་འོག་ཏུ་ཨཏྨ་ཀའི་རྒྱལ་པོ་བདུན་སྟོང༌། དེའི་འོག་ཏུ་སྒྲ་མི་སྙན་གྱི་རྒྱལ་པོ་བརྒྱད་སྟོང༌། དེའི་འོག་ཏུ་ཐོད་པ་ཅན་གྱི་རྒྱལ་པོ་དགུ་སྟོང༌། དེའི་འོག་ཏུ་གླུ་དབྱངས་ཀྱི་རྒྱལ་པོ་ཁྲི། དེའི་འོག་ཏུ་མ་ག་དྷའི་རྒྱལ་པོ་ཁྲི་ཆིག་སྟོང༌། དེའི་འོག་ཏུ་ཏ་མ་ལིབྷའི་རྒྱལ་པོ་ཁྲི་ལྔ་སྟོང༌། བུ་རམ་ཤིང་པ། དེའི་བུ་བརྒྱུད་ལ་རྒྱལ་པོ་སྟོང་དང་ཆིག་བརྒྱ། དེའི་འོག་ཏུ་འཕགས་སྐྱེས་པོ། དེ་ལ་བུ་བཞིན་འབར་དང༌། ལག་རྣ་ཅན་དང༌། གླང་ཆེན་འདུལ་དང༌། རྐང་གདུབ་ཅན་དེ་བཞིའོ། །རྐང་གདུབ་ཅན་གྱི་བུ་རྐང་གདུབ་ཅན་ཞབས། དེའི་བུ་གནས་འཇིགདེའི་བུ་བ་ལང་གནས། དེའི་བུ་སེང་གེ་འགྲམ། དེའི་བུ་ལ་ཟས་གཙང་དང༌། ཟས་དཀར་དང་བྲེའོ་ཟས་དང་། བདུད་རྩི་ཟས་དང་བཞིའོ། ཟས་གཙང་གི་སྲས་བཅོམ་ལྡན་འདས། བཅོམ་ལྡན་འདས་ཀྱི་སྲས་སྒྲ་གཅན་ཟིན་ནོ། །འདི་ནི་ཆོས་མངོན་པ་ལས་བཏུས་པའི་རྒྱལ་པོའི་རབས་ཏེ། བདག་ཉིད་ཆེན་པོ་རྣམས་ཀྱི་ཡི་གེ་རྒྱས་པ་ལས་བཏུས་སོ་ཞེས་བྱུང་ངོ༌། །འདི་ལ་མང་པོས་བཀུར་བ་ནས་ཟས་གཙང་ཡན་དུ་རྒྱལ་པོ་འབུམ་ཕྲག་གཅིགལྔ་ཁྲི་ལྔ་སྟོང་གཅིག་བརྒྱ་ཞེ་དགུའོ། །ཡང་འཇིག་རྟེན་གདགས་པ་དེ་ཉིད་ལས། འདུལ་བ་ལས་བྱུང་བའི་རྒྱལ་པོའི་རབས་བྲིས་པ་ནི་འདི་ཡིན་ཏེ། མང་པོས་བཀུར་བ། འོད་མཛེས། དགེ་བ། དགེ་མཆོགགསོ་སྦྱོང་འཕགས། ང་ལས་ནུ། མཛེས་པ། ཉེ་མཛེས། མཛེས་ཅན། མཛེས་ལྡན། རྒྱས་བྱེད། སྲེད་པ། མི་སྲིད། བཏང་བ། བཏང་ཟུང༌། ལུས་ཐུལ། གསེར་མདོགངན་སྤོང༌། ཤིང་རྟ་སྡུ་གུ་ཅན། དུག་ཅན། དུག་ཅན་ཆེན་པོ། ཤ་ཀུ་ནི། ཤ་ཀུ་ནི་ཆེན་པོ། ཀུ་ཤིཉེ་བའི་ཀུ་ཤིཀུ་ཤི་ཆེན་པོ། རྒྱས་བྱེད། རྒྱས་བྱེད་ཆེན་པོ། ལེགས་མཐོང༌། ལེགས་མཐོང་ཆེན་པོ། གནོད་སེལ། ཉེ་བའི་གནོད་སེལ། རྨ་བྱ། ངེས་འགྲོ། བདེ་བྱེད། རབ་འདུལ། རབ་ཏུ་སྒྲ་གྲགས། རབ་གདུང་ལྡན། འོད་བྱེད། ལྷུན་པོ། རི་རབ། ལྷུན་པོ་ལྡན། མེ་ལྕེ། མེ་ལྕེའི་ཕྲེང༌། མེ་ལྕེ་ལྡན། དེའི་བུ་བརྒྱུད་རྒྱལ་པོ་འབུམ་གྱིས་གྲུ་འཛིན་དུ་རྒྱལ་སྲིད་བསྐྱངས། དེའི་འོག་ཏུ་དགྲ་འདུལ། དེའི་བུ་བརྒྱུད་རྒྱལ་པོ་ལྔ་ཁྲི་བཞི་སྟོང་གིས་འཐབ་མེད་དུ་རྒྱལ་སྲིད་བསྐྱངས། དེའི་འོག་ཏུ་མ་ཕེབས་འབེབས། དེའི་བུ་བརྒྱུད་ཀྱི་རྒྱལ་པོ་དྲུག་ཁྲི་སུམ་སྟོང་གིས་བ་ར་ཎཱ་སིར་རྒྱལ་སྲིད་བསྐྱངས། དེའི་འོག་ཏུ་བཟོད་པར་དཀའ་བ། དེའི་བུ་བརྒྱུད་ཀྱི་རྒྱལ་པོ་ཁྲི་བཞི་སྟོང་གྲོང་ཁྱེར་འདར་འཛིན་དུ་བྱུང༌། དེའི་འོག་ཏུ་རྒྱལ་པོ་ཚངས་པས་བྱིན། དེའི་བུ་བརྒྱུད་ཀྱི་རྒྱལ་པོ་སུམ་ཁྲི་ཉིས་སྟོང་གིས་གླང་ཆེན་གནས་སུ་རྒྱལ་སྲིད་བཟུང༌། དེའི་འོག་ཏུ་གླང་པོས་བྱིན། དེའི་བུ་བརྒྱུད་ལྔ་སྟོང་གིས་གྲོང་ཁྱེར་རྡོ་འཇོག་ཏུ་རྒྱལ་སྲིད་བཟུང༌། དེའི་འོག་ཏུ་རྒྱལ་པོ་བལ་པུ། དེའི་བུ་བརྒྱུད་སུམ་ཁྲི་ཉིས་སྟོང་གིས་ཨུར་ཤར་རྒྱལ་སྲིད་གཟུང༌། དེའི་འོག་ཏུ་ཚན་ཆེན་ཐུབ། དེའི་བུ་བརྒྱུད་སུམ་ཁྲི་ཉིས་སྟོང་གིས་གྲོང་ཁྱེར་མ་ཕེབས་འབེབས་སུ་རྒྱལ་སྲིད་བསྐྱངས། དེའི་འོག་ཏུ་རྒྱལ་པོ་རྒྱལ་བ་པོ། དེའི་བུ་བརྒྱུད་ཁྲི་ཉིས་སྟོང་གིས་ཀནྱ་ཀུབ་ཛར་རྒྱལ་སྲིད་གཟུང༌། དེའི་འོག་ཏུ་རྒྱལ་བའི་སྡེ། དེའི་བུ་བརྒྱུད་ཁྲི་བརྒྱད་སྟོང་གིས་གྲོང་ཁྱེར་ཙམྤར་རྒྱལ་སྲིད་བསྐྱངས། དེའི་འོག་ཏུ་རྒྱལ་པོ་ཀླུ་ལྷ། དེའི་བུ་བརྒྱུད་ཉི་ཁྲི་ལྔ་སྟོང་གིས་ཏ་མ་ལིཔྟའི་གྲོང་ཁྱེར་དུ་རྒྱལ་སྲིད་གཟུང༌། དེའི་འོག་ཏུ་རྒྱལ་པོ་མི་ལྷ། དེའི་བུ་བརྒྱུད་ལ་རྒྱལ་པོ་ཁྲི་ཉིས་སྟོང་ཏ་མ་ལིཔྟར་བྱུང༌། དེའི་འོག་ཏུ་རྒྱལ་པོ་དུག་ཅན་པའི་ལྷ། དེའི་བུ་བརྒྱུད་ལ་རྒྱལ་པོ་ཁྲི་བརྒྱད་སྟོང་སོ་ལྡན་དུ་བྱུང༌། དེའི་འོག་ཏུ་བློ་བཟང༌། དེའི་བུ་བརྒྱུད་ཉི་ཁྲི་ཆིག་སྟོང་གིས་རྒྱལ་པོའི་ཁབ་ཏུ་རྒྱལ་སྲིད་བསྐྱངས། དེའི་འོག་ཏུ་མུན་སེལ། །དེའི་བུ་བརྒྱུད་ལ་རྒྱལ་པོ་བརྒྱ་ཐམ་པ་བ་ར་ཎཱ་སིར་བྱུང༌། དེའི་འོག་ཏུ་དབང་ཆེན་སྡེ། དེའི་བུ་བརྒྱུད་བརྒྱད་ཁྲི་བཞི་སྟོང་ཀུ་ཤི་ལྡན། དེའི་འོག་ཏུ་རྒྱ་མཚོ་ལྷ། དེའི་བུ་བརྒྱུད་སྟོང་གིས་གྲུ་འཛིན་དུ་རྒྱལ་སྲིད་བསྐྱངས། དེའི་འོག་ཏུ་དཀའ་ཐུབ་སྤྱོད། དེའི་བུ་བརྒྱུད་བརྒྱད་ཁྲི་བཞི་སྟོང་གིས་ཀུ་ཤི་ལྡན་དུ་རྒྱལ་སྲིད་ཟུང༌། དེའི་རྗེས་སུ་ས་གཙོ། །དེའི་བུ་བརྒྱུད་སྟོང་གིས་བ་ར་ཎཱ་སིར་རྒྱལ་སྲིད་གཟུང༌། དེའི་རྗེས་སུ་ས་བདགདེའི་བུ་བརྒྱུད་སྟོང་གིས་འཐབ་མེད་དུ་རྒྱལ་ས་གཟུང༌། དེའི་འོག་ཏུ་ས་འཛིན། དེའི་བུ་བརྒྱུད་རྒྱལ་པོ་བརྒྱད་ཁྲི་བཞི་སྟོང་འདྲེས་པའི་གྲོང་ཁྱེར་དུ་བྱུང༌། དེའི་རྗེས་སུ་རྒྱལ་པོ་ལྷ་ཆེན་པོ། དེའི་བུ་བརྒྱུད་རྒྱལ་པོ་བརྒྱད་ཁྲི་བཞི་སྟོང་གྲོང་ཁྱེར་འདྲེས་པར་བྱུང༌། དེའི་འོག་ཏུ་ངེས་འཕེལ། དེའི་བུ་མུ་ཁྱུད། དེའི་བུ་མུ་ཁྱུད་བརྟན། དེའི་བུ་ཚན་པོ་ཆེ། དེའི་བུ་ཟ་བ། དེའི་བུ་ཉེ་ཟ། དེའི་བུ་ཟ་བ་ཅན། དེའི་བུ་ཟ་ལྡན། དེའི་བུ་གྱ་ནོམ་སྣང༌། དེའི་བུ་མཉམ་ལྟ། དེའི་བུ་ཐོས་པའི་སྡེ། དེའི་བུ་ཆོས་ཀྱི་སྡེ། དེའི་བུ་རྟོགས་པ། དེའི་བུ་རྟོགས་ཆེན། དེའི་བུ་རྟོགས་སྡེ། དེའི་བུ་མྱ་ངན་མེད། །དེའི་བུ་མྱ་ངན་བྲལ། དེའི་བུ་འཚམས་བརྟན། དེའི་བུ་རྒན་འཚམས། དེའི་བུ་དུནྡུམ་ར། དེའི་བུ་སྐྱ་རེང༌། དེའི་བུ་ཕྱོགས་བདགདེའི་བུ་རྡུལ་བཟང༌། དེའི་བུ་བདེ་བྱེད། དེའི་བུ་ཀུན་དགའ་བོ། དེའི་བུ་མེ་ལོང་ཞལ། དེའི་བུ་སྐྱེང་བ་པོ། དེའི་བུ་རྒྱལ་བ་ཁྱུ་མཆོག། དེའི་བུ་བཟའ་བཏུང་ལྡན། །དེའི་བུ་བཟའ་བཏུང་མོད། དེའི་བུ་ཐུབ་མེད། དེའི་བུ་གཞན་གྱིས་མི་ཐུབ་པ། དེའི་བུ་བརྟན་པོ། །དེའི་བུ་རབ་བརྟན། དེའི་བུ་སྟོབས་པོ་ཆེ། དེའི་བུ་གཞོན་པ་ཆེ། དེའི་བུ་བློ་བཟང༌། དེའི་བུ་གཞོན་བརྟན། དེའི་བུ་གཞུ་བཅུ་པ། དེའི་བུ་གཞུ་བརྒྱ་པ། དེའི་བུ་གཞུ་དགུ་བཅུ་པ། དེའི་བུ་རྣམ་པར་རྒྱལ་བའི་གཞུ། དེའི་བུ་གཞུ་བཀྲདེའི་བུ་གཞུ་སྲ། དེའི་བུ་གཞུ་བརྟན། དེའི་བུ་ཤིང་རྟ་བཅུ་པ། དེའི་བུ་ཤིང་རྟ་བརྒྱད་པ། དེའི་བུ་ཤིང་རྟ་དགུ་པ། དེའི་བུ་ཤིང་རྟ་སྣ་ཚོགས་པ། དེའི་བུ་ཤིང་རྟ་རྣམ་པ་སྣ་ཚོགས་པ། དེའི་བུ་ཤིང་རྟ་བརླིང་པོ། དེའི་བུ་ཤིང་རྟ་བརྟན། དེའི་བུ་བརྒྱུད་བདུན་ཁྲི་བདུན་སྟོང་གིས་གྲོང་ཁྱེར་ལེགས་པར་སྣང་དུ་རྒྱལ་སྲིད་བསྐྱངས། དེའི་འོག་ཏུ་ནམ་མཁའ་བདག་པོ། དེའི་བུ་ཀླུས་བསྲུང༌། དེའི་བུ་བརྒྱུད་རྒྱལ་པོ་བརྒྱས་བ་ར་ཎཱ་སིར་རྒྱལ་སྲིད་བཟུང༌། དེའི་འོག་ཏུ་ཀྲྀ་ཀིདེས་སངས་རྒྱས་འོད་སྲུངས་ལ་ཚངས་པར་སྤྱད་དེ་དགའ་ལྡན་དུ་སྐྱེས་སོ། དེའི་བུ་ལེགས་པར་སྐྱེས། དེའི་བུ་བརྒྱུད་རྒྱལ་པོ་བརྒྱས་གྲུ་འཛིན་དུ་རྒྱལ་སྲིད་བསྐྱངས། དེའི་རྗེས་སུ་རྒྱལ་པོ་རྣ་བ། དེའི་བུ་གཽ་ཏ་མ་དང་བྷ་ར་དྷྭ་ཛ་གཉིས་ལས། གཽ་ཏ་མའི་བུ་བུ་རམ་ཤིང་སྐྱེས། དེའི་བུ་བརྒྱུད་རྒྱལ་པོ་བརྒྱས་ཡང་གྲུ་འཛིན་དུ་སྲིད་བཟུང༌། དེའི་འོག་ཏུ་འཕགས་སྐྱེས་པོ། དེ་ལ་བུ་བཞིན་འབར། ལག་རྣ་ཅན། གླང་ཆེན་འདུལ། རྐང་གདུབ་ཅན་ཏེ་བཞིའོ། རྐང་གདུབ་ཅན་གྱི་བུ་གནས་འཇིགདེའི་བུ་བ་ལང་གནས། དེའི་བུ་སེང་གེ་འགྲམ། དེའི་བུ་ཟས་གཙང༌། དེའི་བུ་བཅོམ་ལྡན་འདས། དེའི་བུ་སྒྲ་གཅན་ཟིན་ཞེས་འབྱུང་ངོ༌། དེ་ལ་མང་པོས་བཀུར་བ་ནས་ཟས་གཙང་ཡན་དུ་རྒྱལ་པོ་འབུམ་ཕྲག་བརྒྱད། སུམ་ཁྲི་བཞི་སྟོང་ལྔ་བརྒྱ་སུམ་ཅུ་རྩ་བཞི་ཡོད་དོ། མང་པོས་བཀུར་བའི་གདུང་རབས་ཀྱི་སྐབས་སོ། །